წმინდა დიდმოწამე ქეთევან დედოფლის წმინდა ნაწილი კახეთში 1-ელ ოქომბრამდე დარჩება. ყოვლადწმინდა სამების საკათედრო ტაძრის წინამძღვრის, მამა ილია ნასიძის განცხადებით, რამდენიმე წუთში წმინდა დიდმოწამე ქეთევან დედოფლის წმინდა ნაწილის კახეთში გადაბრძანების პროცესი დაიწყება.
ლუსკუმას წმინდანის ნაწილით კახეთში ალავერდის საკათედრო ტაძარში გადააბრძანებენ, სადაც 26 სექტემებრს, ქეთევანობის დღესასწაულზე იქნება დასვენებული.
მისივე თქმით, კახეთში წმინდა ნაწილი 1-ელ ოქტომბრამდე დარჩება. შემდეგ სიწმინდე სხვა ეპარქიებსაც მოივლის.
დიდმოწამე დედოფლის წმინდა ნაწილი ინდოეთიდან საქართველოში, 6 თვით, 23 სექტემბერს ჩამოაბრძანეს.